Është mbajtur takimi i radhës i Komitetit të Kosovës për Parandalimin dhe Eliminimin e Punës së Fëmijëve, komitet ky i mandatuar me një vendim të Qeverisë së Republikës së Kosovës, i cili ka bërë prezantimin e një raportit vjetor për zbatimin e Planit të Veprimit 2011-2013 për Parandalimin dhe Eliminimin e Punës së Fëmijëve, plan ky i bazuar në Objektivin e Strategjisë 2011-2016, i planifikuar kohë më parë që ka të bëj me eliminimin e të gjitha formave të rënda të punës së fëmijëve në Kosovë deri në vitin 2016.
Kjo Strategji e cila për realizimin e saj ka një periudhë kohore gjashtë vjeçare synon eliminimin progresiv të punës së fëmijëve si eliminimin e menjëhershëm të formave më të këqija dhe më të rënda të punës së fëmijëve duke filluar si nismë me realizimin e një studimi në tërësi mbi format më të këqija me të cilat punojnë sot fëmijët si dhe rishikimin e legjislacionit ekzistues.