Publikimet
Lajmet › Publikimi i lajmeve

Ministri i Punës dhe Mirëqenies Sociale, Skender Reçica, në kuadër të qëndrimit në Uashington, ka vazhduar takimet në Departamentin e Punës, në kuadër të Departamentit Amerikan të Shtetit. Ai u takua me Drejtoreshën e Zyrës për punën e fëmijëve, punës së detyrueshme dhe trafikimit të qenieve njerëzore, znj.Marcia Eugenio, me të cilën bisedoi lidhur me vështirësitë e Ministrisë, sidomos me papunësinë në vend, krijimin e mundësive për punësim sezonal në SHBA, si dhe eliminimin e punëve të rënda tek fëmijët.



Zëvendësministri i Punës dhe Mirëqenies Sociale, Vesel Makolli, me rastin e festës së Bajramit të Madh vizitoi Shtëpinë e Pleqve në Prishtinë.  Në fjalën e tij përshëndetëse zëvendësministri Makolli, tha se t’i respektosh dhe t’i ndihmosh njerëzit e "moshës së tretë", është e barasvlershme me respektimin dhe nderimin e Perëndisë. “Që nesër dikush të përkujdeset për neve, duhet ne sot të përkujdesemi për këta banues të kësaj shtëpie. Është kënaqësi kur njeriu e përjeton jetën, sepse jo të gjithë e përjetojnë moshën e tretë”, tha ai.


Ministri i Punës dhe Mirëqenies Sociale, Skender Reçica, në kuadër të qëndrimit të tij në Shtetet e Bashkuara të Amerikës, ka vazhduar vizitën në Uashington. Me këtë rast, Reçica, i shoqëruar nga Ambasadorja e Kosovës në Uashington, znj.Vlora Çitaku, u prit në takim në Departamentin Amerikan të Shtetit nga znj.Susan K. Falatko, drejtoreshë e Zyrës për Çështje të Evropës Jugore dhe të Mesme. 
Ministri i shprehi znj. K. Fatalko falënderimet për ndihmën që SHBA-të i kanë dhënë Kosovës në të gjitha fazat e shtetndërtimit. Ai e njoftoi për gjendjen socio-ekonomike në Kosovë ku theksoi se shteti ynë po ballafaqohet me disa vështirësi, sidomos me shkallë të lartë të papunësisë, e cila është një sfidë që duhet adresuar shpejt. 



Gjatë qëndrimit në shtetin e Iowa-s në SHBA, ministri i Punës dhe Mirëqenies Sociale, Skender Reçica zhvilloi takime me përfaqësues institucional, agjencione qeveritare dhe organizata të ndryshme të cilat merren me zhvillim ekonomik, mirëqenie sociale, çështje të punës dhe shëndetit.

Ministri zhvilloi takim me përfaqësues të Agjencisë Qeveritare të Iowa-s, e cila merret me zhvillim të fuqisë punëtore, më të cilët shkëmbeu ide rreth ndërtimit të bashkëpunimit sa i përket rritjes së punësimit.



Zëvendësministri i Punës dhe Mirëqenies Sociale, Çerkin Dukolli, i cili njëherësh është edhe kryesues i Këshillit Nacional për Siguri dhe Shëndet në Punë, sot ka vizituar Fabrikën e Cimentos  “Sharrcem” në Han të Elezit. I shoqëruar nga anëtarët e Këshillit, ata u njohën nga afër me masat mbrojtëse dhe preventive që aplikohen në Sharrcem për sigurinë dhe shëndetin në punë.

Zëvendësministri Dukolli tha se në kuadër të planit dyvjeçarë të punës dhe vizitave të planifikuara nëpër kompani të ndryshme, KNSSHP, jo rastësisht ka përzgjedhur Sharrcemin. “Siguria dhe shëndeti në punë është çështje që na preokupon të gjithëve.


Ministri i Punës dhe Mirëqenies Sociale, Skender Reçica po qëndron për një vizitë zyrtare në Shtetet e Bashkuara të Amerikës, përkatësisht në shtetin e Iowa-s. 

Gjatë vizitës në SHBA, ministri Reçica u takua me Sekretarin e Shtetit të Iowa-s, z.Paul D.Pate me të cilin diskutoi rreth mundësive të bashkëpunimit nëpërmjet projekteve të shumta nga fusha e punësimit, ndërmjet Kosovës dhe SHBA-së, posaçërisht me shtetin e Iowa-s.



Në një ceremoni rasti në Prishtinë, sot u nënshkrua Marrëveshja për Sigurime Sociale në mes të Republikës së Kosovës dhe Konfederatës së Zvicrës, e cila i hap rrugë realizimit të së drejtave të qytetarët të të dyja shteteve, në fushën e sigurimeve sociale.

Në emër të Qeverisë së Kosovës, marrëveshja u nënshkrua nga Ministri i Punës dhe Mirëqenies Sociale, Skender Reçica, ndërkaq në emër të Qeverisë Zvicerane ajo u nënshkrua nga Ambasadori i Zvicrës në Kosovë, Jean-Hubert Lebet. 



Ministri i Punës dhe Mirëqenies Sociale, Skender Reçica ka vazhduar prezantimin e projektit për punësim të një anëtari të secilës familje përfituese të asistencës sociale, të cilat nuk e kanë asnjë të punësuar dhe që kanë të paktën një anëtar të aftë për punë. 
Ministri sot ishte në Mitrovicë dhe Vushtrri ku u takua me familjet përfituese, me të cilat bashkëbisedoi rreth mundësisë për punësim, nëpërmjet përfshirjes së tyre në masat aktive të tregut të punës.


Ftesë për media

qershor 07, 2018 14:25

Të nderuar përfaqësues të medieve,

Më 8 qershor (e premte), ora 10:00, bëhet nënshkrimi i Marrëveshjes për Sigurime Sociale në mes të Republikës së Kosovës dhe Konfederatës së Zvicrës. Marrëveshja nënshkruhet nga Ministri i Punës dhe Mirëqenies Sociale, Skender REÇICA dhe Ambasadori i Zvicrës në Kosovë, Jean-Hubert LEBET. Marrëveshja nënshkruhet në Kabinetin e Ministrit të MPMS-së.

SQARIM: Ministria e Punës dhe Mirëqenies Sociale ka ndërruar lokacion. Tani ndodhemi në rrugën, “Mis Edit Durham”, Nr. 46, afër Hotelit “Grand”.

Ftoheni që ta përcillni këtë ceremoni!

Me respekt,

Zyra për Komunikim me Publikun



Ministri i Punës dhe Mirëqenies Sociale, Skender Reçica, priti sot në takim drejtoreshën për Kosovë të Këshillit Danez për Refugjatë (DRC), Kristen Stec, me të cilën diskutuan rreth përkrahjes së grupeve të cenueshme në Kosovë nëpërmjet projekteve konkrete.

Znj. Stec falënderoi ministrin Reçica për pritjen dhe gatishmërinë për bashkëpunim në projekte që kryesisht kanë të bëjnë me trajnimin dhe edukimin profesional të komuniteteve rom,  ashkali dhe egjiptian në Kosovë, ku DRC dhe MPMS kanë bashkëpunim tash e disa vite.


Page 1 of 77First   Previous   [1]  2  3  4  5  6  7  8  9  10  Next   Last