Publikimet
Lajmet

Në vazhdën e  vizitës së tij në Turqi,  Ministri i Punës dhe Mirëqenies Sociale,  Skender Reçica i shoqëruar edhe nga Ambasadori i Kosovës në Ankara,  Avni Spahiu, takoi Ministren e Familjes dhe Politikave Sociale të Republikës së Turqisë, Fatma Betyl Saja Kaja. Temë diskutimi ishte shkëmbimi i përvojave të të dyja shteteve në fushën  e shërbimeve dhe skemave sociale.



Zëvendësministri i Punës dhe Mirëqenies Sociale, Vesel Makolli, mori sot pjesë në tryezën për “Rolin e sektorit të shëndetësisë në zhvillimin inkluziv dhe të qëndrueshëm”, të organizuar nga Organizata Botërore e Shëndetësisë, zyra në Prishtinë.


Ministri i Punës dhe Mirëqenies Sociale, z. Skender Reçica po qëndron në vizitë zyrtare në Republikën e Turqisë. Në ditën e parë të vizitës, ministri Reçica ka takuar ministren e Punës dhe Sigurimeve Sociale, znj. Zhylide Sarieroglu. Ministri Reçica falënderoi znj. Sarieroglu për mbështetjen e Republikës së Turqisë dhënë Republikës së Kosovës, si në aspektin e njohjes së shtetit të Kosovës, po ashtu edhe në zhvillimin ekonomik të saj. Znj. Sarieroglu i dëshiroi mirëseardhje ministrit Reçica dhe njëkohësisht e uroi për pozitën e tij si ministër, duke shprehur gatishmërinë e dikasterit që ajo udhëheq për bashkëpunim dhe mbështetje.



Ministri i Punës dhe Mirëqenies Sociale, Skender Reçica  priti sot në një takim përfaqësues të Misionit të Fondit Monetar Ndërkombëtarë(FMN), të kryesuar nga Stephanie Eble, shefe e misionit për Kosovë dhe Ruud Vermeulen, përfaqësues rezident për Kosovën. Ministri Reçica dhe përfaqësues të FMN-së diskutuan rreth reformave të nevojshme për veteranët e luftës, si dhe për plotësim ndryshimet që duhet të bëhen në Ligjin për Skemat Pensionale të Financuara nga Shteti, të vitit 2014.



Zëvendësministri i Punës dhe Mirëqenies Sociale, Çerkin Dukolli mori sot pjesë në konferencën, “Drejt një sistemi më të fortë shëndetësor lokal për të përkrahur mirëqenien dhe zhvillimin e fëmijës”. Ky projekt  është organizim i përbashkët i Ministrisë së Punës dhe Mirëqenies Sociale, Ministrisë së Shëndetësisë, Ministrisë së Arsimit, Shkencës dhe Teknologjisë  dhe Zyrës së UNICEF-it në Kosovë.



Ministri i Punës dhe Mirëqenies Sociale, Skender Reçica, mori pjesë në punimet e Komitetit të Kosovës për Parandalimin dhe Eliminimin e Punës së Rëndë të Fëmijëve. Me këtë rast ai përgëzoi punën e KKPEPRF-së dhe raportin e detajuar mbi të gjeturat e Komitetit në evidentimin e rasteve të punëve të rënda dhe të rrezikshme për fëmijët e moshës nën 18 vjet.



Ministri i Punës dhe Mirëqenës Sociale, Skender Reçica mori pjesë në mbledhjen e përbashkët të Qeverisë së Shqipërisë dhe Qeverisë së Kosovës, e cila u mbajt sot në qytetin e Korçës. Në kuadër të shumë marrëveshjeve të rëndësishme që u nënshkruan në mbledhjen e përbashkët mes Shqipërisë dhe Kosovës, ishte edhe ajo për vërtetimin e periudhave të sigurimit për realizimin e të drejtës në pension, e cila u nënshkrua nga ministri i Financave dhe i Ekonomisë i Shqipërisë, Arben Ahmetaj dhe Ministri i Punës dhe Mirëqenies Sociale, Skender Reçica.



Është mbajtur sot dhe po vazhdon të mbahet konferenca rajonale, “Investimi në Kujdesin dhe Zhvillimin gjatë Fëmijërisë së hershme: Faktet, Mundësitë dhe Sfidat”, e organizuar nga organizata “Save dhe Children”, në bashkëpunim me Ministrinë e Arsimit Shkencës dhe Teknologjisë.

Konferenca po synon të ndajë praktikat më të mira mbi rëndësinë e investimit konkret në kujdesin dhe zhvillimin e hershëm të fëmijëve, në mes hartuesve të politikave dhe ofruesve të shërbimeve qendrore dhe lokale.



Zëvendësministri i Punës dhe Mirëqenies Sociale, z. Çerkin Dukolli mori sot pjesë në konferencën, “Prezantimi i Modelit të Udhëzimit të Karrierës dhe Sistemit të Informimit”, e organizuar nga LUX DEV (Agjencioni për Zhvilim dhe Bashkëpunim i Luksemburgut) dhe Ministria e Arsimit, Shkencës dhe Teknologjisë.



Ministri i Punës dhe Mirëqenies Sociale z. Skender Reçica, nënshkroi sot një Marrëveshje Bashkëpunimi në mes të Ministrisë së Punës dhe Mirëqenies Sociale, Ministrisë së Punëve të Brendshme dhe Zyrës së UNDP në Kosovë.

Marrëveshja në fjalë ka të bëjë me riintegrimin në tregun e punës dhe në shoqëri, të personave të riatdhesuar në Kosovë nga vendet e jashtme.


Page 9 of 50First   Previous   4  5  6  7  8  [9]  10  11  12  13  Next   Last