Publikimet
Lajmet

Me kërkesën e Bashkimit Evropian për çështjen e emigracionit dhe zhvillimeve të përgjithshme të jetës sociale në Kosovë, një grup ekspertësh nga Banka Botërore të ardhur nga Washingtoni i Shteteve të Bashkuara të Amerikës sot po vizitojnë Kosovën, me ç’rast u takuan edhe me zv/ministrin e Ministrisë së Punës dhe Mirëqenies Sociale z. Qazim Rrahmanin ku diskutuan lidhur me çështjen e emigracionit për këtë pjesë të  ballkanit perendimorë.


Zëvendësministri i Punës dhe Mirëqenies Sociale, Qazim Rrahmani, priti sot në  një takim zëvendësambasadorin e Emirateve të Bashkuara Arabe, z.Ibrahim Al-Alavi. Në këtë takim u bisedua për bashkëpunimin ndërshtetëror në mes të Kosovës dhe EBA-s, në veçanti për bashkëpunimin në çështje humanitare. 

Zv/ministri Rrahamani falënderoi z.Al-Alavin për ndihmën e dhënë nga Emiratet e Bashkuara Arabe për familjet në nevojë. Ai tha se bashkëpunimi do të vazhdojë edhe në të ardhmen dhe përkrhaja nga MPMS nuk do të mungojë. 



Me mbështetjen e Ministrisë së Punës dhe Mirëqenies Sociale dhe nën organizimin e Odës  Ekonomike Gjemano-Kosovare, sot u hap Panairi i Punësimit “Diaspora - Investimet dhe Punësimi.”

Në këtë panair, kompanitë gjermane kanë shfaqur interes të jashtëzakonshëm që në bashkëpunim me kompani vendore, të realizojnë projekte që pritet të hapin deri në dhjetëra mijëra vende të reja punës këtë vit dhe vitin vijues. 



Zv/ministri i Ministrisë së Punës dhe Mirëqenies Sociale, Qazim Rahmani, në shoqërim edhe të ambasadorit të Emirateve të Bashkuara Arabe, përfaqësues të organizatës "Bereqeti" dhe zyrtarëve të Qendrës për Punë Sociale të Obiliqit, kanë shpërndarë 200 pako ushqimore për familje në nevojë të kësaj komune. 

Me këtë rast, zv/ministri Rahmani, në emër të MPMS-së, ka falënderuar ambasadorin e Emirateve të Bashkuara Arabe (EBA) për kontributin dhe ndihmën e ofruar nga ky vend për Kosovën dhe popullin e saj si në të kaluarën po ashtu edhe tash. 



Ministri i Punës dhe Mirëqenies Sociale, z. Arban Abrashi, sot ka kryesuar takimin e radhës së Këshillit Ekonomik Social. Në këtë takim është diskutuar për Ligjin e Punës, Ligjin për Këshillin Ekonomik Social, si dhe Ligjin e Sigurimeve Shëndetësore. 



Ministria e Punës dhë Mirëqenies Sociale dhe ambasada britanike sot kanë bërë shëprndarjen e certifikatave për disa të rinj të trajnuar për lidership dhe punë me rininë në Britani të Madhe dhe Irlandën e Veriut.

 

Ambasadori britanik Ruairi O’Connell tha se ndihet i nderuar me pjesëmarrjen në këtë ceremoni duke vlerësuar lart vullnetarizmin e rinisë dhe bashkëpunimin e të rinjve nga vendet e ndryshme. Ai është shprehur se ndihet i lumtur sa herë që i ipet mundësia të ndihmojë të rinjt e Kosovës.”Ndryshimi vjen vetëm nëse punojmë së bashku dhe unë i inkurajoj që të rinjt vullnetarë që ta ndihmojnë dhe mësojnë njëri tjetrin”, ka thënë O’Connell. 


FTESË PËR MEDIA

maj 23, 2016 10:31

Ministri i Punës dhe Mirëqenies Sociale, Arban Abrashi, sot, më 23 maj  2016 do të bëjë shpërndarjen e certifikatave të trajnimit për liderët dhe punëtorët e rinj nga Rrjeti Botëror Kristian i Qendrave Rinore, të trajnuar në Britani të Madhe dhe Irlandë Veriore. 

Shpërndarja e certifikatave bëhet në hotel ‘Sirius’, në ora 13:30



Sot, Ministria e Punës  dhe Mirëqenies Sociale dhe Programi për Migrim dhe Zhvillim (GIZ), kanë konfirmuar përkrahjen e tyre për programet e migracionit të punës dhe kanë shprehur gatishmërinë që të pajtohen për aktivitetet e ardhshme. Gjatë hapjes së punëtorisë, ministri Arban Abrashi ka theksuar bashkëpunimin e mirë të MPMS-së dhe GIZ-it në këtë fushë si dhe rëndësinë që ka informimi për mundësitë e migrimit për punë për qytetarët e Kosovës.


Me ftesë nga Bashkimi Evropian, konkretisht nga Forumi i politikave për decetralizimin e shërbimeve sociale, Zv/ministrja e Ministrisë së Punës dhe Mirëqenies Sociale Znj. Rita Hajzeraj – Beqaj po merr pjesë në Konferencën Ndërkombëtare “ Ndikimi i decentralizimit tek shërbimet sociale, sfidat, politikat sociale dhe mbrojtja e fëmijëve” që po mbahet në Vien të Austrisë.


Ministri i Punës dhe Mirëqenies Sociale, z. Arban Abrashi, në bashkëpunim me Rotary Club, kanë bërë sot përurimin e punimeve të renovuara në ambientet e Lidhjes së Pensionistëve të Kosovës, ambiente këto ku pensionistët tanë kalojnë kohën më të madhe.

Projekti i cili ka kushtuar afër 20 mijë euro, nga pensionistët u vlerësua si projekt i rëndësisë së veçantë për ta, pasiqë ata kalojnë një kohë të gjatë aty. Prej sot ata do të gëzojnë kushte më të mira, duke përfshirë tanimë, salla më të përshtatshme ditore për të kaluar kohën aty dhe hapësira të mjaftueshme për punë dhe aktivitete të ndryshme.


Page 9 of 50First   Previous   4  5  6  7  8  [9]  10  11  12  13  Next   Last