Publikimet
Lajmet

Këshilltari federal Alain Berset , shef i Departamentit federal për punë të brendshme, ka takuar këtë të hëne në Berne ministrin kosovar për punë dhe mirëqenie sociale, Nenad Rasic. Takimi ka mundësuar vlerësimin e kushteve të cilat duhet të përmbushen për elaborimin e një konvente për sigurime shoqërore në mes të Zvicrës dhe Kosovës, konkretisht identifikimin e parakushteve për fillim të negociatave në mes të dy vendeve.



Një delegacion nga Republika e Kosovës, i kryesuar nga zv/ministri i MPMS-së, z. Fatmir Shurdhaj, në përbërje të të cilit delegacion janë edhe deputeti i Komisionit Parlamentar për Shëndetësi dhe Mirëqenie Sociale të Kuvendit të Kosovës, z. Liburn Aliu, këshilltari politik i MPMS-së, z. Viktor Mehana dhe ambasadorja e Kosovës në Bruksel, znj. Mimoza Ahmetaj, po merr pjesë në  Kongresin Vjetor  Kundër Varfërisë dhe Përjashtimit Social, që po mbahet në Bruksel nga 26 deri më 27 nëntor nën patronatin e Komisionit Evropian.

Pjesëmarrës dhe panelit, në mesin e shumë pjesëmarrëseve nga vende të ndryshme të Evropës janë edhe  Hose Manuel Barroso, president i Komisionit Evropian dhe Herman Van Rompoy president i  Këshillit Evropian.



Ministri i Punës dhe Mirëqenies Sociale z. Nenad  Rasic udhëtoi për vizitë zyrtare në Republikën e Turqisë ku u takua me homologun e tij, Ministrin e Punës dhe Sigurimit Social, z. Faruk Celik. Gjate takimit Ministri Rasic dhe Ministri Celik u pajtuan për lidhjen e një marrëveshje bilaterale ne sferat te cilat janë ne përgjegjësinë e Ministrive homologe.
 

Te dy Ministrat u zotuan te ndërmarrin hapat konkret lidhur me përgatitjen e koncept dokumentit për nënshkrimin e marrëveshjes.


Njoftim për media

nëntor 08, 2013 13:30

Prishtinë, më 08.11.2013
Pas tentimit të vet-djegies së dy qytetarëve para MPMS-së, me qëllim të njoftimit real dhe objektiv të opinionit, MPMS përmes këtij njoftimi sqaron opinionin se në fillim të muajit prill (02.04.2013) ka nënshkruar një memorandum mirëkuptimi me KEK-un për ngritjen e shkallës së punësimit, zhvillimin e bashkëpunimit dhe bashkëveprimit.
Ky memorandum ka pasur për qëllim punësimin e një kontingjenti të caktuar të punëkërkuesve të regjistruar në zyrat e punësimit si të papunë, në KEK.
Po ashtu në këtë memorandum janë paraparë edhe kriteret për përzgjedhjen e punëkërkuesve, ku pos tjerash kriter është edhe mosha nën 40 vjeçare, duhet të jenë shfrytëzues të ndihmave sociale, gjithashtu duhet të jenë të regjistruar në zyrat e punësimit si punëkërkues.
Konform këtij memorandumi edhe është bërë shpallja publike në zyrat e punësimit, që gravitojnë në rrethinën e KEK-ut, siç janë Prishtina, Besiana, Fushë Kosova, Obiliqi, Mitrovica, Vushtrria dhe Skenderaj.
Pas pranimit të aplikacioneve, komisioni i përbashkët i MPMS dhe KEK ka bërë përzgjedhjen e kandidatëve në zyrat e punësimit dhe ka përzgjedh fillimisht të gjithë kandidatët që i kanë plotësuar kriteret e parapara sipas memorandumit të lartcekur. Në intervistë janë ftuar të gjithë aplikuesit.
Pas zhvillimit të intervistave me kandidatët aplikues, komisioni ka përzgjedhur 120 kandidatë të cilët i kanë plotësuar kriteret e parapara në memorandum.
Në mesin e të ftuarve në intervistë kanë qenë edhe këta dy qytetarë, që tentojnë të vet-digjen para MPMS-së. Këta persona nuk e kanë plotësuar kriterin e pikës V/1.3, që do të thotë se janë mbi moshën 40 vjeçare. Që të dy këta persona vazhdojnë në kontinuitet të jenë shfrytëzues të ndihmave sociale.
Komisioni intervistues gjatë intervistimit ka pasur kujdes se ata që do të pranohen të jenë fizikisht shumë të aftë për shkak të specifikave delikate të punës në KEK (lartësia ku do të zhvillohen punët, ambienti tejet i ndotur me pluhur, puna ekskluzivisht fizike etj), ku në mesin e shumë aplikuesve që nuk i kanë plotësuar këto kritere janë edhe këta dy persona.
MPMS-ja, lidhur me këtë rast, jane respektuar te gjitha procedurat Ljigjore dhe procedurale.



Në vazhdën e zbatimit te projektit “Promovimi i punësimit dhe rritja e mundësive për të rinjtë”, ministri i Ministrisë së Punës dhe Mirëqenies Sociale z. Nenad Rashiq vizitoi komunën e Novobërdës. Gjatë takimit që pati me kryetarin e komunës së Novobërdës z.Bajrush Ymeri u informua për rrjedhën e trajnimit gjatë mujorë që me sukses e kanë përfunduar 60 të rinj nga komuniteti shqipëtarë dhe serb të kësaj ane. Me këtë rastë ministri Rashiq për të kandidatët që përfunduan trajnimin ndau certifikata.



Zv/ministri i MPMS-së, z. Fatmir Shurdhaj dhe kryetari i komunës së Mitrovicës, z. Avni Kastrati, kanë përuruar të hënën objektin e ri të Qendrës për Aftësimin Profesional në Mitrovicë.

Zv/ministri Shurdhaj duke iu drejtuar të pranishmëve ka thënë se Qeveria e Republikës së Kosovës, gjegjësisht Ministria e Punës dhe Mirëqenies Sociale, ka investuar vazhdimisht në Mitrovicë. “Sot po përurojmë këtë objekt modern të Qendrës për Aftësime Profesionale, që ofron mundësi të mëdha kualifikimi për punëkërkuesit të cilët pas kualifikimit dhe rikualifikimit do të jenë të përgatitur për tregun e punës”.



Zv/ministri i MPMS-së, z. Fatmir Shurdhaj, ka marrë sot një mirënjohje nga Shoqata Qendrore e Invalidëve të Luftës së UÇK-së.

Z. Enver Krasniqi, sekretar i shoqatës, ka thënë me këtë rast se kontributi i z. Shurdhaj për kategoritë e dala nga lufta, veçmas pas emërimit të tij në postin e zv/ministrit të MPMS-së, ka qenë i jashtëzakonshëm. “Sa herë që ne, si shoqatë, kemi pasur nevojë për mbështetje institucionale, z. Shurdhaj pa hezitim ka ofruar përkrahjen e tij, në çdo kohë dhe rrethanë, prandaj në shenjë mirënjohjeje Shoqata Qendrore e Invalidëve të Luftës nderon z. Shurdhaj me këtë mirënjohje”, ka thënë pos tjerash, z. Krasniqi.


Njoftim për media

tetor 18, 2013 13:37

Prej 17 deri më 19 tetor, në Zagreb të Kroacisë po i zhvillon punimet Konferenca e Katërt mbi Dialogun Social në Evropën Jug-lindore, ku Republika e Kosovës është e përfaqësuar nga Ministria e Punës dhe Mirëqenies Sociale, gjegjësisht nga zv/ministri i kësaj ministrie, z. Fatmir Shurdhaj dhe këshilltari politik z. Viktor Mehana.

Dje delegacioni nga Kosova ishte pjesëmarrës në takimin ministror, ku morën pjesë 14 ministra të vendeve të regjionit, ku u diskutua për fushën e dialogut social dhe informalitetin në tregun e punës.



Zv/ministri i MPMS-, z. Fatmir Shurdhaj, i shoqëruar nga këshilltari i politik i kësaj ministrie, z. Viktor Mehana, ka vizituar sot vendpunishten ku janë duke u ndërtuar shtëpitë për familjet e dëshmorëve të UÇK-së në Besianë, në të ashtuquajturin Kamp i Kuvajtit.

Në prani edhe të deputetit të  zonës në Kuvendin e Kosovës, z. Latif Gashit, të përfaqësuesve të shoqatave të luftës së UÇK-së e të familjarëve të dëshmorëve, zv/ministri Shurdhaj ka shprehur kënaqësinë e tij se projekti për ndërtimin e 30 shtëpive për familjarët e dëshmorëve po realizohet me sukses dhe se mbetet mjaftë i kënaqur me dinamikën dhe cilësinë e punimeve.



Ministri i Ministrisë së Punës dhe Mirëqenies Sociale, z. Nenad Rashiq, në shoqëri të bashkëpunëtorëve të tij, priti në takim pune një delegacion nga Zvicra, ku biseduan rreth sigurimeve shoqërore.

Ministri Rashiq kërkoi  inicimin e negociatave për marrëveshje të re në mes shtetit të Kosovës dhe atij të Zvicrës, duke vlerësuar lartë përkrahjen e shtetit Zviceran për Kosovën, poashtu tha se Zvicra është një  prej vendeve më me autoritet për shtetin tonë.


Page 50 of 50First   Previous   41  42  43  44  45  46  47  48  49  [50]  Next   Last