Publikimet
Lajmet

Ministri i Punës dhe Mirëqenies Sociale z.Nenad Rashiq, është takuar sot me shefen e re të UNICEF-it znj.Laila Omar Gad. Përveç që ishte një takim njoftues, me këtë rast u diskutua edhe lidhur me çështjen e mbrojtjes së fëmijëve si dhe për mundësitë e bashkëpunimit dhe të krijimit të një ligji për mbrojtjen e fëmijëve.


Njoftim për media

gusht 24, 2012 10:56

Zv.ministri Shurdhaj viziton kampin verorë të Handikosit në Durrës


Ministria e Punës dhe Mirëqenies Sociale, fondacioni italian „Roberto Bazzoni“ dhe ambasada finlandeze  në Prishtinë  edhe këtë vit kanë mundësuar organizimin e kampit veror për personat me aftësi të kufizuara, gjegjësisht për Shoqatën e Paraplegjikëve  dhe Paralizës së Fëmijëve “Handikos”, që po mbahet në Durrës.

Për të parë kushtet e akomodimit dhe për të shprehur përkrahjen ndaj këtyre personave, por edhe me ftesë të kryetarit të “Handikos”-it, z. Afrim Maliqi, këtë kamp e ka vizituar zv/ministri i MPMS-së, z. Fatmir Shurdhaj, i cili shoqërohej nga këshilltari i MPMS-së. Z. Viktor Mehana.


Njoftim për media

gusht 21, 2012 11:05


Prishtinë, më 21.08.2012

Njoftim për media

Duke filluar nga dita e mërkure, më 22 gusht 2012, Ministria e Punës dhe Mirëqenies Sociale, respektivisht Inspektorati i Punës, do të filloj aksionin për të vizituar kompanitë ndërtimore në Kosovë. Vizitat do të organizohen me qellim të verifikimit të sigurisë dhe shëndetit në vendet e punës në të cilat ekzistojnë vendet me rrezikshmëri të lartë të punës.
Po ashtu ministria paralajmëron përfundimin teknik lidhur me formatizimin e Ligjit për Siguri dhe Shëndet në Punë.


Njoftim për media

gusht 16, 2012 15:54

Filloi ndërtimi i ujësjellësit në Strellc

Sot, zëvendësministri i Ministrisë së Punës dhe Mirëqenies Sociale, z. Fatmir Shurdhaj dhe kryetari i komunës së Deçanit, z. Rasim Selmanaj, solemnisht kanë filluar punimet e ujësjellësit në fshatin Strellc të Deçanit.

Përveç të lartpërmendurve dhe banorëve të shumtë të Strellcit, të pranishëm në këtë solemnitet ishin edhe deputetë të Kuvendit të Kosovës nga zona e Dukagjinit.

Qeveria e Republikës së Kosovës, gjegjësisht Ministria e Punës dhe Mirëqenies Sociale po fillon sot projektin e dytë në komunën e Deçanit, brenda pak ditësh. Ky projekt është i një rëndësie të veçantë për banorët e Strellcit, por përveç kësaj këtu për një periudhë tremujore do të punësohen një numër i konsideruar i punëkërkuesve nga kjo trevë- ka thënë z. Fatmir Shurdhaj, i cili vazhdoi se edhe në të ardhmen nuk do të mungojnë përkrahja dhe investimet e Qeverisë së Republikës së Kosovës.



Edhe për vitin 2012 Qeveria e Republikës se Kosovës, me qellim të rehabilitimit të invalidëve të luftës së UÇK-së dhe familjeve te dëshmorëve ka ndare një shume te konsiderueshme mjetesh. Aktualisht ne bregdetin shqiptar, gjegjësisht ne Durrës, po qëndrojnë familjare të dëshmorëve, invalidë e veteranë të luftës së UÇK-së.

Për t’u njohur me kushtet e akomodimit  dhe gjendjen e  tyre, zv./ministri i Ministrisë së Punës dhe Mirëqenies Sociale, z. Fatmir Shurdhaj, i shoqëruar nga këshilltari i MPMS-së, Viktor Mehana, vizituan ketë kategori pushuesish që po qëndrojnë për pushim dhe rehabilitim  në plazhin e Durrësit në Shqipëri.



Në prani të udhëheqësve komunalë të Deçanit, zyrtarëve të ZKP të Deçanit, qytetarëve e të ftuarve të tjerë, zv/ministri i MPMS-së, z. Fatmir Shurdhaj së bashku me kryetarin e komunës së Deçanit, z. Rasim Selmanaj, solemnisht kanë vënë gurthemelin e Zyrës Komunale të Punësimit në Deçan. 

Qeveria e Republikës së Kosovës, gjegjësisht MPMS-ja, sikurse në komunat tjera edhe në komunën e Deçanit një përkushtim të veçantë i ka kushtuar dhe po i kushton uljes së shkallës së papunësisë dhe ofrimit të kushteve sa më të favorshme për punëkërkuesit, që ata sa më lehtë të orientohen dhe të aftësohen profesionalisht- ka thënë zv.ministri Shurdhaj dhe ka shtuar se këtë po e dëshmon edhe vënia e gurthemelit të ZKP-së sot në Deçan. Ky përkushtim për qytetarët e këtij rajoni do të dëshmohet edhe në të ardhmen, ku shumë shpejt do të filloj ndërtimi i rrjetit të ujësjellësit në Strllc- ka thënë z. Shurdhaj.


Në vazhdën e vizitave që zv/ministri i MPMS-së, z. Fatmir Shurdhaj, është duke zhvilluar nëpër komunat e Republikës së Kosovës, sot ai ka vizituar komunën e Ferizajt, ku fillimisht është pritur nga kryetari i kësaj komune, z. Agim Aliu.

Qëllim i kësaj vizite dhe i vizitave që zv/ministri Shurdhaj ka zhvilluar e do të zhvilloj nëpër komuna është disiplinimi i skemës së asistencës sociale dhe çështje tjera nga sferat që mbulon MPMS-ja.


Ministri i Punës dhe Mirëqenies Sociale z.Nenad Rasic me bashkëpunëtore, vizituan sot  Komunën e Graçanicës dhe disa  biznese tjera fituese të Granteve në këtë komunë, në kuadër të projektit “Shërbime Trajnimi dhe Këshillimi me Ndërmarrësit e Rinj”.

Pjesë e kësaj vizite ishte edhe Z.Christoph Stock përfaqësues nga Komisioni Evropian, ku së bashku me ministrin Rasic u njoftuan nga afër me ecurinë punës së këtyre bizneseve fituese.


Njoftim i MPMS-së

korrik 16, 2012 08:33

Me qëllim të njoftimit objektiv të opinionit se ka apo nuk ka shkelje të Ligjit të punës në rastin e largimit nga puna të 85 punëtorëve nga New Co Feronikli Complex L.L.C, Drenas, Trupa Ekzekutive e Inspektoratit të Punës më datë 02.07.2012  dhe më 04.07.2012 ka zhvilluar kontroll në këtë kompani dhe ka konstatuar me sa vijon:

Bazuar në fuqinë ligjore të nenit 67 pika 1.3 dhe nenit 72 të Ligjit të punës, Nr. 03-L/2010, NerwCo Feronikli Comples L.L.C, Drenas  u ka ndërprerë kontratën e punës 85 punëtorëve, të cilët kishin themeluar marrëdhënien e punës me kontratë për kohë të caktuar deri më 30.06.2012 në këtë kompani.

Struktura gjinore e të larguarve nga puna është 77 meshkuj dhe 8 femra. Numri i të larguarve me kompensim deri në pension është 11 punëtorë të grupmoshës 63 deri në 65 vjeç, me beneficion 100 euro në muaj.

Numri i punëtorëve të larguar me kompensim deri në 24 muaj është gjashtë, të grupmoshës 60 deri në 62 vjeç, gjithashtu me beneficion prej 100 eurove për muaj.

Numri i punëtorëve që nuk u është vazhduar kontrata e punës është 69 punëtorë.

Trupa Ekzekutive e Inspektoratit të Punës, konform legjislacionit në fuqi ka urdhëruar NewCo Feronikeli Complex L.L.C, gjegjësisht menaxherin gjeneral, z. Ioanis Moutafis, që të gjithë punëtorëve, të cilëve nuk u është vazhduar kontrata e punës, për shkak të moslajmërimit me kohë për ndërprerjen e kontratës së punës, t’u paguhet rroga e plotë edhe për një muaj si dhe të njëjtëve t’u paguhet edhe pushimi vjetor.

Sipas konstatimit të TEIP, subjekti në procedurë i ka përmbushur të gjitha obligimet ligjore.

Aktualisht kjo kompani u ka përtëritur kontratat 900 punëtorëve.   



Ministria e Punës dhe Mirëqenies Sociale dhe Fondacioni Friedrich Ebert, mbajtën tryezën me tematikë në fushën e sigurisë dhe mbrojtjen e shëndetit në vendet e punës.

Me këtë rast, Ministria e Punës dhe Mirëqenies Sociale prezantoi Draft Ligjin “ Siguria dhe Mbrojtja e Shëndetit në Punë”, ku fokus i Inspektoratit të Punës, ishte marrja e komenteve nga palët e interesit për këtë fushë të rëndësishme për shoqërinë kosovare.


Page 50 of 50First   Previous   41  42  43  44  45  46  47  48  49  [50]  Next   Last