Publikimet
Lajmet

Zv/ministri i Ministrisë së Punës dhe Mirëqenies Sociale, z. Fatmir Shurdhaj, i shoqëruar edhe nga kryeinspektori i  Trupës Ekzekutive të Inspektoratit të Punës, z. Basri Ibrahimi, ka vizituar terminalin e ri që është duke u ndërtuar në Aeroportin Ndërkombëtar “Adem Jashari”.

Menaxheri i kompanisë “Limak”, z. Murat Suzal, i ka njoftuar të pranishmit për procesin e punës që po zhvillohet këtu, ku janë të përfshirë një numër i konsiderueshëm i punëtorëve vendorë, fakt ky që ka ndikuar dukshëm në punësimin e punëkërkuesve të regjistruar në qendrat e punës dhe të punësimit. Sa i përket sigurisë në punë, u tha se kushtet e punës janë të favorshme dhe konform legjislacionit vendor që rregullon sferën e punës, marrëdhënieve të punës, sigurisë në punë dhe shëndetit të të punësuarve.



Pas shkrimeve në disa medie dhe pas vërejtjes së radhëve të gjata në pritje të pensionistëve para zyrave të sindikatave të pensionistëve në nivel vendi duke dorëzuar dokumentacion në këto zyre,  gjoja për të siguruar pensionin për kontributet e tyre pensionale para vitit 1999,  ministri i MPMS-së, z. Nenad Rashiq, me qëllim të njoftimit të drejtë të opinionit e në veçanti të pensionistëve, njofton se:

Organizatat sindikale të pensionistëve nuk janë të autorizuara për të pranuar kurrfarë dokumentacioni për pensionet e pensionistëve që kanë paguar kontribute para vitit 1999. Organi i vetëm kompetent  në Kosovë për t’u marrë me këtë çështje dhe për të vënë kontakt me organet gjegjëse, në këtë rast të Republikës së Serbisë, është Qeveria e Republikës së Kosovës, gjegjësisht Ministria e Punës dhe Mirëqenies Sociale.

MPMS-ja me vëmendje dhe përkushtim është duke përcjell ecurinë e zhvillimeve që po ndërmerr Serbia për këtë çështje dhe në momentin që krijohen kushtet e favorshme përmes kanaleve zyrtare do të ndërmerren hapat e nevojshëm. Për të gjitha veprimet konkrete që MPMS do të ndërmerr për këtë qëllim opinioni do të njoftohet me kohë.

Sqaroj gjithashtu pensionistët se Gjykata e Strasburgut merr në konsideratë vetëm ato kërkesa kur vërtetohet se parashtruesi i kërkesës ka shtjerr të gjitha procedurat juridike  në vendin e vet.

Dyshohet se parashtruesit e kërkesave-pensionistët për të dorëzuar dokumentacionin në sindikatat e pensionistëve kanë paguar para. U bëjë apel organeve kompetente që të shqyrtojnë se a ka pasur raste të këtilla, që janë abuzive, dhe të ndërmarrin hapa konkret lidhur me këtë çështje.

Me respekt

Nenad Rashiq, Ministër i MPMS-së.



Ministri i Ministrisë së Punës dhe Mirëqenies Sociale, z. Nenad Rashiq ka nënshkruar sot, në emër të Qeverisë së Republikës së Kosovë marrëveshjen me Qeverinë Zvicerane e cila ka për qëllim ngritjen e shkallës së punësimit të të rinjve pas përfundimit të trajnimeve profesionale, shkollave, kolegjeve dhe universiteteve ku do të bëhet transferimi i tyre nga shkolla në fuqi punëtore.

Ky projekt do të mundësojë përmirësimin e kushteve të tregut të punës për të rinjtë në Kosovë dhe njëkohësisht do u mundësoj punëkërkuesve qasje më të mirë në vendet e lira të punës dhe marrjen e vendimeve adekuate për orientim në karrierë të bazuar në informata.  Bazuar në nevojat e sektorit privat, ky projekt do t’i mbështes shërbimet e zhvillimit të aftësive profesionale duke ofruar arsim dhe aftësim adekuat që do të rezultojë në krijimin e vendeve të reja të punës.



Komuna e Mitrovicës, Ministria e Punës dhe Mirëqenies Sociale dhe Mercy Corpsi kanë realizuar një projekt të përbashkët për adaptimin e një objekti për banim në Shipol, ku janë vendosur 18 familje që kanë jetuar në strehimore kolektive në lagjen Bair. Shumica e familjeve të sistemuara janë të veriut të Mitrovicës, të cilët për shkak të rrethanave të pasluftës nuk kanë mundur të kthehen në shtëpitë dhe banesat e tyre.

Objekti i adaptuar për banim, i cili u përurua të hënën nga kryetari i Komunës së Mitrovicës, Avni Kastrati, zëvendësministri i Punës dhe Mirëqenies Sociale, Fatmir Shurdhaj dhe shefi i projekteve të Mercy Corpsit, Li Norgard, më parë ishte shfrytëzuar nga TMK-ja dhe më pas edhe nga Policia e Kosovës. Ata u shprehën shumë të kënaqur që kanë mundur të ndihmojnë për krijimin e kësaj mundësie për familjet që kanë jetuar në strehimore.





Pas një periudhe trevjeçare të negocimit dhe bashkëpunimit të ngushtë në mes dy vendeve, sot është nënshkruar për herë të parë një marrëveshje me një shtet siç është Republika e Maqedonisë në sferën e pensioneve. Këtë marrëveshje nga ana e Republikës së Kosovës e ka nënshkruar z. Nenad Rashiq dhe nga Republika e Maqedonisë, homologu i tij z. Spiro Ristovski, marrëveshje kjo që konfirmon periudhat e sigurimit për realizmin e të drejtës në pension për të gjithë ata që kanë punuar në shtetin e Maqedonisë dhe anasjelltas.

Ministri Rashiq, gjatë ceremonisë së nënshkrimit, ka thënë se kjo marrëveshje është baza ligjore për një bashkëpunim edhe në të ardhmen në realizimin e të drejtës në pension të qytetarëve që duhet ta gëzojnë këtë të drejtë.



Me ftesë të Rrjetit Social Evropian (ESN), me seli në Brighton, një delegacion i MPMS-së, që kryesohet nga zv/ministri i MPMS-së, z. Fatmir Shurdhaj  po qëndrojnë në Britani të Madhe, ku po zhvillojnë një sërë takimesh të rëndësishme me zyrtarë britanik të fushave të  shërbimeve sociale dhe punësimit.

Në ditën e parë të vizitës ata janë pritur nga z. Rhidian Hudghes, udhëheqës i  Qendrës Inteligjente të Fuqisë Punëtore (CFWI), me seli ne Londër. CFWI është përgjegjëse për regjistrimin, kualifikimin dhe planifikimin e fuqisë punëtore në sektorin e shërbimeve sociale. Gjatë këtij takimi u  shqyrtuan mundësitë dhe u shpreh gatishmëria e kësaj qendre që të ketë një bashkëpunim me MPMS në realizimin e projekteve të përbashkëta nga fondet e BE-se për regjistrimin e fuqisë punëtore të vendit tonë.



Ministri i Ministrisë së Punës dhe Mirëqenies Sociale z. Nenad Rashiq ka pritur sot në një takim pune përfaqësuesit e Drejtorisë për Zgjerim të BE-së dhe që njëherit njihen si diplomatët e ardhshëm të BE-së. 

Ministri i MPMS-së ka informuar shkurtazi të pranishmit mbi fushën që e mbulon Ministria e Punës dhe Mirëqenies Sociale duke përfshirë këtu gjendjen e përgjithshme aktuale të politikave dhe çështjeve sociale, shkallën e papunësisë si dhe me theks të veçantë çështjet që kanë të bëjnë me ngritjen e kapaciteteve dhe mundësive reale për arsimimin dhe aftësimin profesional për punëkërkuesit.


Njoftim për media

janar 03, 2013 18:13

Zëvendësministri i Ministrisë së Punës dhe Mirëqenies Sociale, z. Fatmir Shurdhaj, me ftesë të Ministrisë për Familje dhe Politika Sociale të Republikës së Turqisë, po merr pjesë në një samit ndërkombëtar që zhvillon punimet në Ankara më 02 dhe 03 janar.

 

Në këtë samit pjesëmarrës janë përfaqësues nga 27 vende të botës ku po shkëmbehen përvojat e shteteve pjesëmarrëse për politikat sociale dhe familjare.

Zv/ministri Shurdhaj, në emër të MPMS, është paraqitur, para të pranishmëve, me kumtesën “Roli i internetit dhe teknologjisë informative në shoqëri”, kumtesë kjo që u prit me mjaftë interesim nga të pranishmit.

 

Me një fjalë përshëndetëse pjesëmarrësit e këtij samiti i ka përshëndetur edhe president i Turqisë, z. Abdullah Gyl, i cili ka vlerësuar lartë angazhimin institucional, kudo në botë, për familjen, që sipas z. Gyl është shtylla kryesore e shoqërisë dhe njëherësh është diçka e shenjtë.

 

Zv/ministri Shurdhaj, i shoqëruar edhe nga këshilltari politik i MPMS-së, z. Viktor Mehana, ka vizituar sot edhe ambasadën e Republikës së Kosovës në Ankara.



Zv/ministri i MPMS-së, z. Fatmir Shurdhaj, së bashku me zv/ministrin e Ministrisë së Shëndetësisë, z. Naim Fetahu dhe me deputetin e Kuvendit të Kosovës nga zona e Llapit, z. Latif Gashi, në vigjilje të festave të fundvitit kanë vizituar Shoqatën e Familjeve të Dëshmorëve në Besianë dhe të ashtuquajturën Lagje e Kuvajtit në këtë komunë.



Ministri i MPMS-së z.Nenad Rashiq, i shoqëruar edhe nga bashkëpunëtorët e tij, mbajti sot konferencën përmbyllëse të fundvitit duke i përmendur të gjitha të arriturat që janë bërë në vitin 2012 dhe shkurtazi paraqiti disa nga objektivat dhe synimet e kësaj ministrie për vitin 2013.

Ministri në këtë konferencë theksoi se Ministria e Punës dhe Mirëqenies Sociale, si strukturë përbërëse e Qeverisë së Republikës së Kosovës, është angazhuar maksimalisht në zbutjen e papunësisë  edhe pse ekziston një buxhet modest, në zbutjen e problemeve sociale, ofrimin e shërbimeve të nevojshme për të punësuarit, trajnime për punëkërkuesit që të aftësohen në ato profile që i kërkon ekonomia e tregut, në shërbimet e pensionistëve e shumë fusha tjera komplekse që po vazhdojnë të jenë njëherësh edhe obligim institucional por njëkohësisht edhe moral.

Në fund ministri ka falënderuar të gjithë gazetarët për punën e mirë që e kanë bërë gjatë gjithë vitit që po e lëmë pas.




Page 50 of 50First   Previous   41  42  43  44  45  46  47  48  49  [50]  Next   Last