Publikimet
Lajmet

Ministri i Punës dhe Mirëqenies Sociale, Arban Abrashi, ka vizituar sot Zyrën e Punësimit në Prishtinë. Ai ka shpërndarë sot marrëveshjet e punësimit për të rinjtë e regjionit të Prishtinës, në kuadër të projektit “Promovimi i Punësimit për të Rinj”. Ministri Abrashi u ka dëshiruar sukses të rinjve duke potencuar se kjo iniciativë e MPMS-së me bizneset është treguar e suksesshme dhe me interes të dyanshëm. 



Ministri i Punës dhe Mirëqenies Sociale, Arban Abrashi, vizitoi sot Zyrën e Punësimit në Mitrovicë. Me këtë rast, ministri Abrashi ka shpërndarë marrëveshjet për kandidatët përfitues në projektin “Promovimi i Punësimit për të Rinj”, projekt ky i realizuar në bashkëpunimin në mes të Agjencisë së Punësimit të Republikës së Kosovës në kuadër të Ministrisë së Punës dhe Mirëqenies Sociale dhe GIZ-it.


Ministri i Punës dhe Mirëqenies Sociale, Arban Abrashi, ka shpërndarë sot certifikatat e para për kandidatët të cilët kanë dhënë provimin profesional për sigurinë dhe shëndetin në punë. Me këtë rast ai tha se ky certifikim ka të bëjë me ngritjen e vetëdijes së përgjithshme për sigurinë dhe të drejtat e punëtorëve në punë.

FTESË PËR MEDIA

qershor 29, 2017 10:24

Ministri i Punës dhe Mirëqenies Sociale, z. Arban Abrashi, së bashku me kryeinspektorin e Inspektoratit të Punës, z. Basri Ibrahimi, do të bëjë ndarjen e certifikatave për kandidatët që kanë dhënë provimin profesional nga siguria dhe shëndeti në punë.

Kjo ceremoni do të mbahet të premten, më 30.06.2017, duke filluar nga ora 11:00 në sallën nr. 37 në objektin e Kryeministrisë së Kosovës. .



Ministri i Punës dhe Mirëqenies Sociale z. Arban Abrashi, së bashku me kryetarin e Komunës së Podujevës z. Agim Veliu kanë vënë gurthemelin e Qendrës për Aftësime Profesionale në komunën e Podujevës, objekt ky i pari i kësaj natyre në këtë komunë.
Ky objekt pas përfundimit të punëve teknike, do t’iu mundësojë personave të papunë trajnimin dhe aftësimin e tyre sipas nevojave të tregut të punës në Komunën e Podujevës. Gjithashtu do të ofrojë shërbime tjera të natyrës administrative si psh. këshillime, ndërmjetësime në punë etj.
Tri profesionet që do të ofrohen si trajnime janë: IT, rrobaqepësi dhe parukeri.



Ministri i Punës dhe Mirëqenies Sociale, Arban Abrashi, sot ka inauguruar objektin e ri për Zyrën e punësimit në komunën e Rahovecit. Me këtë rast ai tha se Rahoveci, që nga sot do të ofrojë shërbime më cilësore dhe më profesionale për qytetarët e kësaj treve. Duke përgëzuar për punën e mirë që është kryer, ai tha se MPMS edhe më tutje do të fokusojë vëmendjen me projekte tjera në komunën e Rahovecit në të ardhmen.



Delegacioni i Republikës së Kosovës dhe ai i Mbretërisë së Belgjikës, janë duke zhvilluar raundin e dytë të bisedimeve në Prishtinë, për negocimin e marrëveshjes për sigurimet sociale. Bisedimet e filluara më 12 të këtij muaji, pritet të përfundojnë më 15 qershor 2017.



Sot, u nënshkrua marrëveshja e bashkëpunimit në mes të Ministrisë së Punës dhe Mirëqenies Sociale, respektivisht ministrit Arban Abrashi dhe Shqipe Breznicës, Koordinatore e Programit nga organizata gjermane ‘Help’ në kuadër të projektit “Mbështetje stabilitetit socio-ekonomik në rajonin e Ballkanit Perëndimor 2017-2018”.



Ministri i Punës dhe Mirëqenies Sociale Arban Abrashi nënshkroi sot Marrëveshje bashkëpunimi mes Ministrisë së Punës dhe Mirëqenies Sociale/Agjensia e Punësimit e Republikës së Kosovës, Fondacionit Besa - Munchen dhe Shoqërisë për Bashkëpunim Ndërkombëtar GmbH/GIZ në Kosovë.
Kjo Marrëveshje synon të përmirësojë mundësitë e migrimit qarkor dhe lëvizshmërisë për përmirësimin e arsimit dhe aftësimit profesional që pastaj të kontribuohet në investime më të mëdha nga diaspora në Kosovë. Në të njëjtën kohë, hapet mundësia për të rinjë nga Kosova, për të filluar arsim dhe aftësim profesional në sistemin dual 3-vjeçar në Gjermani.



Sot, më 1 qershor 2017, në Bern të Zvicrës, delegacionet teknike të Kosovës dhe Zvicrës përfunduan negociatat dhe miratuan tekstin final të marrëveshjes bilaterale për sigurimet sociale. Grupet teknike harmonizuan marrëveshjen e përgjithshme, marrëveshjen administrative, si dhe formularët e nevojshëm që do të nevojiten për implementimin e kësaj marrëveshjeje. 


Page 5 of 50First   Previous   1  2  3  4  [5]  6  7  8  9  10  Next   Last