Publikimet
Lajmet

Ministri i Punës dhe Mirëqenies Sociale, Skender Reçica, priti sot në takim drejtoreshën për Kosovë të Këshillit Danez për Refugjatë (DRC), Kristen Stec, me të cilën diskutuan rreth përkrahjes së grupeve të cenueshme në Kosovë nëpërmjet projekteve konkrete.

Znj. Stec falënderoi ministrin Reçica për pritjen dhe gatishmërinë për bashkëpunim në projekte që kryesisht kanë të bëjnë me trajnimin dhe edukimin profesional të komuniteteve rom,  ashkali dhe egjiptian në Kosovë, ku DRC dhe MPMS kanë bashkëpunim tash e disa vite.



Ministri i Punës dhe Mirëqenies Sociale, Skender Reçica priti sot në takim një delegacion të Ministrisë Federale për Bashkëpunim dhe Zhvillim të Gjermanisë, si dhe përfaqësues të GIZ-it gjerman në Kosovë.

Temë diskutimi ishte situata në tregun e punës në Kosovë, ku ministri i njoftoi rreth gjendjes aktuale, politikave dhe përpjekjeve të MPMS-së për rritje të punësimit në vend.

“MPMS, nëpërmjet përfshirjes së qytetarëve në masat aktive të tregut të punës dhe ofrimit të mundësisë për aftësim profesional në qendrat tona të aftësimit, po përpiqet të zbus papunësisë në vend dhe të krijojë mundësi për qytetarët tanë që të bëhen pjesë e tregut të punës”, tha ministri.



Ministri i Punës dhe Mirëqenies Sociale (MPMS), Skender Reçica ka pritur sot në takim përfaqësues të Fondit Monetar Ndërkombëtar (FMN), të kryesuar nga Stephanie Eble, me të cilët diskutoi rreth reformave të ndërmarra nga MPMS në fusha si ajo pensionale, sociale dhe fusha e punësimit.
Ministri i njoftoi përfaqësuesit e FMN-së për reformën pensionale të ndërmarrë nga MPMS ku tha se fokusi do të jetë te reforma në aspektin ligjor, duke marrë parasysh pabarazinë në ligjet aktuale. 



Ministri i Punës dhe Mirëqenies Sociale, Skender Reçica, po qëndron në një vizitë zyrtare në shtetin e Maltës, ku po zhvillon takime të rëndësishme me përfaqësues  të lartë shtetëror të këtij vendi. Sot gjatë ditës, ministri Reçica u takua me Presidenten e Maltës, znj.Marie-Louise Coleiro Preca, me të cilën bashkëbiseduan për marrëdhëniet bilaterale në mes të Kosovës dhe Maltës. Ministri Reçica falënderoi presidenten për mbështetjen që shteti i Maltës ka dhënë për Kosovën, nga data e njohjes së pavarësisë e këndej. 



Ministri i Punës dhe Mirëqenies Sociale, Skender Reçica po qëndron në një vizitë zyrtare në shtetin e Maltës, me ftesë të ministrit të Familjes, të Drejtave të Fëmijëve dhe Solidaritetit Social, z.Michael Falzon.

Në kuadër të kësaj vizite, sot ministri Reçica është takuar dhe me ministrin e Edukimit dhe të Punës, z. Evarist Bartolo me të cilin kanë biseduar rreth mundësive të bashkëpunimit në fushën e punësimit dhe edukimit professional.

Ministri Reçica dhe Bartolo u dakorduan për bashkëpunim dhe shkëmbim përvojash në këto dy fusha.


Ka vazhduar sot mbajtja e “Panairit të Punës 2018” në Komunën e Gjilanit i organizuar nga Ministria e Punës dhe Mirëqenies Sociale, Shoqëria Gjermane për Bashkëpunim Ndërkombëtarë (GIZ) dhe mbështetjen e Komunës së Gjilanit. Ky panair ka për qëllim punën praktike me mundësi vazhdimi si dhe mundësinë e hapjes së vendeve të lira të punës për të papunët duke koordinuar kështu takime të ndërmjetme mes bizneseve dhe punëkërkuesve.

Zëvendësministri i Punës dhe Mirëqenies Sociale, Vesel Makolli i cili mori pjesë në këtë event tha se Ministria e Punës dhe Mirëqenies Sociale ka përkrahur në vazhdimësi punëkërkuesit dhe bizneset si në subvencionime në paga, praktikë në punë, trajnim në punë, vetëpunësim etj.



Në prag të 1 Qershorit, Ditës Ndërkombëtare të Fëmijëve, Ministri i Punës dhe Mirëqenies Sociale, Skender Reçica, ka marrë vendim për rritje të pagesës mujore të strehimit familjar për fëmijë pa përkujdesje, si dhe për fëmijë me aftësi të kufizuara.
Duke marrë parasysh shqetësimet dhe kërkesat e familjeve strehuese, se kostoja e shpenzimeve për kujdesin e këtyre kategorive të fëmijëve është rritur, ndërsa shumat aktuale të mbështetjes së familjeve që paguhet nga MPMS-ja për këtë formë të mbrojtjes së fëmijëve është e pamjaftueshme, ministri Reçica ka marrë vendim për rritje të pagesës së strehimit familjar, e cila do të fillojë së zbatuari nga 1 Qershori i këtij viti (2018).



Ministria e Punës dhe Mirëqenies Sociale, në bashkëpunim me Programin e Kombeve të Bashkuara për Zhvillim (UNDP) mbajti ceremoninë e nënshkrimit të marrëveshjeve në mes të përfituesve të programeve aktive të tregut të punës, ku do të përfitojnë 270 punëkërkues.


Ministri i MPMS-së, Skender Reçica me këtë rast përgëzoi të rinjtë që kanë përfituar nga ky program, duke shtuar se punësimi i të rinjve është prioritet kryesor i MPMS-së.




Ministri i Punës dhe Mirëqenies Sociale, Skender Reçica priti në takim përfaqësues të Bankës Botërore, të kryesuar nga Marco Mantovanelli, menaxher i Bankës Botërore për Kosovë dhe Maqedoni në Regjionin e Evropës dhe Azisë, si dhe ekipin e tij. 

Ministri Reçica i njoftoi përfaqësuesit e Bankës Botërore për angazhimet aktuale të MPMS-së dhe rreth ecurisë së procesit sa i përket reformës së sistemit pensional në Republikën e Kosovës ku tha se po planifikohet reformë rrënjësore ligjore dhe të shërbimeve të cilat ofrohen. 


Ministri i Punës dhe Mirëqenies Sociale, Skender Reçica, nënshkroi sot Marrëveshje Bashkëpunimi me Rektorin e UP-së, Marjan Dema, për angazhimin në punë praktike, për 200 studentë, për  një periudhë tremujore.
Ministri Reçica tha se në kuadër të bashkëpunimit të mirë me UP-në, sot po konkretizojmë  marrëveshjen e cila do të bëjë të mundur angazhimin e 200 studentëve në punë praktike.  “Në bashkëpunim me Universitetin e Prishtinës, Agjencinë e Punësimit dhe Qendrat e Aftësimit Profesional, studentëve që kanë përfituar nga kjo marrëveshje ju ofrohet një mundësi e mirë që të demonstrojnë edhe në praktikë pjesën teorike të mësuar gjatë studimeve. Bashkëpunimi ynë do të vazhdojë edhe në të ardhmen, jo vetëm si një premtim, por edhe në projekte konkrete”. 


Page 2 of 50First   Previous   1  [2]  3  4  5  6  7  8  9  10  Next   Last